لقاء صحفي مع الكاتبة المبدعة: رحمه عبد السلام

 تتشرف جريدة احلام كاتب بعمل لقاء صحفي مع الكاتبة المبدعة: رحمه عبد السلام

نتعرف بالمبدعة التي أنارت الوجود بإبداعها

الدراسة: كليه أدب "قسم جغرافيا "

السن:٢٠ سنه 

المحافظة:البحيره 

لقبك:"ذات الخمار " 

تأثير الكتابة علي حياتك، وهل اي شخص يستطيع الكتابة:مش أى حد يكتب عشان دى موهبه وتعبير عن الذات فاى حد موهوب هيكتب بطلاقه اكتر 

الكتابه بالنسبه ليا جزء اساسى فى حياتى ومش برتاح غير ونا بكتب وكل حاجه بكتبها بتأثر فيا بشكل مش عادى لانى بكتب خواطر حياتيه عشتها مش مجرد خاطره وخلاص 

تفاصيل عن الدعم المعنوي لكً في بداية طريق نجاحك:الدعم المعنوى فى البدايه يكاد يكون منعدم بس مش اتهزمت خالص بالعكس ده حفزنى اكتر عشان اوصل لحلمى أما حاليا فى وجود شخص بيدعمنى وده مخلينى عاوزه اعمل كل حاجه بشغف كبير والشخص ده اشكره جدا أنه فى حياتى 

أهم الصعوبات والتحديات التي صادفتك خلال مجال الكتابة:السلبيه من ناس مكناش نتوقع منها ده دى حاجه هزمتنى فتره ورجعتنى لورا شويه عشان كانت من اقرب حد لياا ونا بطبعى بتأثر بكل حاجه مش اتهزمت من الكلام السلبى على قد م انهزمت أن الكلام ده يطلع من الشخص ده بس أيقنت بعدين إنى محطش قدامى اى نظره سلبيه عشان اكمل واوصل 

نص من نصوصك المفضلة: "تغيب شمسى ونا حزين ، يطول ليلى ونا وحيد ، يفوت يومى ونا بعيد ومسير البعد يحيني ، ده كان وجودك جمبى والله يداوينى، حبيت غرامك وقت ضعفي ، حبيت وجودك وقت كسرى ، وقولت لو جانى الف حبيبت مفيش غيره يحتوينى، وادينى فوقت من صدمه غيابك ، ده كان مابينا وعود وكلام ، كان مابينا كل غرام ، هجرت قلبي اللى سماك حبيبه من يوم لقاءنا ، مش كل من قال وعد بيوفى بيه ولا كل من قال حبيب بيكون حبيب صادق 

گ / رحمه عبد السلام

الكتابة موهبة بالنسبة لك أو تسلية في وقت فراغك: موهبه طبعا 

كيف بدأت مسيرتك في الكتابة ومنذ متي:بدأت اكتب اقتباسات صغيره فى فتره كنت فيها تعبانه نفسيا اووى ومن ونا صغيره بكتب يومياتى وبعدين فى يوم قررت اشارك اللى بكتبه مع حد وقابلت اراء كتير حلوه واكتر مش حلوه ودخلت رومات وكيانات وبدأت بدايه صح وفخوره جداا بالى وصلت ليه دلوقتى 

مثلك الأعلي في مواصلة طريق الكتابة: 

عمرو حسن "حديثا"

محمود درويش "قديما"

حلمك في المستقبل القريب في خيالك:اكون كاتبه وشاعره ويبقالى كيانى الخاص وألف قصص وروايات واوصل لابعد نقطه فى المكان ده 

كيف واجهت/ي مشاكل بداية الكتابة ومواجهة السخرية والنقد من الجميع :واجهتها بايجابيه واتعاملت على أنها دعم ليا وعلى أساس ده كملت موقفتش 

أهم نجاحاتك خلال الجهاد في طريق الكتابة:اهم حاجه عملتها شاركت ف كتابين 

# نقطه ومن اول الحياه 

# ليالى فبراير 

وحضرت حفلتهم ف القاهره مع اهلى ودى اول كتب اشارك فيها ومش اخر حاجه أن شاء الله المره الجايه هيبقى كتابى لوحدى ونفسى فى مكتبه كلها كتب لا تعد ولا تحصر وكلما ب اسمى لوحدى ولو حياتى كلها وسط الكتب هكون اسعد انسانه فى الدنيا 

هل التحقت بـِ كيانات خاصة بالمجال وما هي، وماهي الجوائز التي حصلت/ ي عليها:

كيان خفايا قلم اول كيان ليا 

واخدت منه شهادات ودروع 

كيان خبايا الروح شغاله فيه حاليا واخدت منه شهادات فقط 

رأيك في مجال الكتابة من وجهة نظرك واترك/ي لنا كلمات تحفيذية تفيد المبتدئين: 

المجال ممتع وشيق لمحبيه، ولو نت حابب المجال هتوصل فيه لابعد نقطه 

احب اقول لكل مبتدأ : انت قدها وهتوصل لحلمك وطول الوقت ركز مع نفسك وبس وخليك ايجابى متنتظرش حد يدعمك خليك واثق من نفسك والداعم لذاتك هتوصل وهتحقق حلمك 

هل الكتابة من وجهة نظرك وسيلة للشهرة، اما هدف لحلم طويل..؟

 كيف تري وماذًا تقول لهم: هدف لحلم طويل ولو مكنش هدف بالنسبه ليا مش هوصل وحتى لو اتشهرت الشهرة مش كفايه المهم النجاح والنجاح مش بس شهره النجاح هو تحقيق ذات وتغير حياتك من شخص لشخص بنجاحك ومش كل المشاهير ناجحين ومش كل الشهره وراها انسان ناجح النجاح أعظم من كده بكتير النجاح تحقيق ذات وطموح وحلم كان نفسى أوصله وتيجى اللحظه اللى اقول خلاص وصلت وهو ده النجاح الحقيقى فعلا 

نشكر الكاتبة المبدعة، ونريد 

ترك رأيك في الحوار والجريدة والصحفية: الحوار جميل وممتع جدااا واشكرك جداا على الحوار ده واتمنى اكون معاكى ف لقاءات تانيه كتير أو نقاشات حتى لو مش خاصه بالكتابه

خاتمة أخيرة للحوار وذلك من داعي سروري الحوار الجميل معاك.

تحت اشراف جريدة/ احلام كاتب