مازلت اعافر

اسكريبت "مازلت أٌعافر"

:ـ انتى مش هتبطلى مسكان المخروب ده انتى موركيش حاجه غيره قومى شوفى حاجه اعمليها 

كالعادة قاعدة مسكة التليفون بكتب او اقراء اصلى بحب اقراء الروايات اووى وبحب اكتب جدا بس طبعا اهلى مش هيفهموا كدا سمعت صوت امى اللى تقريبا مش بتبطل تقولى الكلمتين دول مش عارفه مش بتزهق ولا ايه رديت عليها بنفس الرد المعتاد

: ـ نعم ياماما شوفى انتى عايزانى اعمل ايه وانا اعمله حاضر 

: ـ مش عايزاكى تعمليلى حاجه ياختى خليكى قاعده 

رديت بإبتسامة وبرود كالعاده يعنى: ـ حاضر ياماما مش هعمل حاجه وهفضل ماسكه التليفون 

ردت عليا بزعق:ـ يابااااردة انتى جايبة البرود ده منين خلى عندك شوية دم بقا 

هيا كده جابت نهيتها اقوم بقا عشان ميبقاش الندب شغال طول النهار قومت روحت عندها لقيتها بتعمل الاكل عملت معاها وخلصت وقولتلها: ـ عايزه منى حاجه تانى 

ردت عليا بزعيق:ـ هو انتى عملتى اولانى عشان تعملى تانى 

اه طلما فيه زعيق كده اكيد متخانقه مع ابويا مهو انا خدت على كده لسه هرد لقيت الدوخه اللى بتجيلى على طول مش عارفه من ايه لقيتها بتقولى اطلع اجيبلها حاجه من قوق ولا اكنها شايفة الدوخه دى رديت عليها:ـ انا دايخه ومش هعرف اطلع 

لقيت رد قاسى اوى:ـ وانا مالى دايخه ولا مش دايخه منا قولتلك متصوميش وانت اللى متمسكة تصومى الاتنين والخميس محسسانى انك لواحدك المسلمه هنا واحنا كفرة 

اختصرت الموضوع وطلعت من سكات انا اصلا مش هقدر اقف اكتر من كده طلعت جبتلها طلبها ونزلت تانى لقيت عماتى وعيالها ياختااااى يوم مش معدى انا تعبانه وطبعا كل شويه هيبقى طلب طلبات وبسم الله ماشاء الله ولاد عماتى بيهدوا الحيل لوحدهم 

لقيت ماما بتقول وانا داخله:ـ حطى الحاجه اللى فى ايدك وتعالى سلمى على عماتك وابقى اعملى عصير 

مردتش عليها هيا اصلا عارفه انى مش بحب اسلم ولا اقعد مع حد يالا مش مهم اما نشوف اليوم ده اخره ايه 

حطيت الحاجه وروحت سلمت وعملت العصير و قديمته ليهم المفروض انى اهرب طبعا على اوضتى بس تقريبا فيه صوت فى اوضتى لالالالالا يارب ميكون اللى فى بالى دخلت اوضتى لقيتها متشقلبة بمعنى الكلمه طب التليفون فين اهم حاجه ببص لقيت ابن عمتى بيلعب فى الرمز عشان يتفتح روحت بسرعه خدتوا منه وحمدت ربنا انوا مبظش ولا حاجه بس ابن عمتى يسكت لا لازم عياطه يشتغل لقيت امه بتبصلى اللى هو ضربتيه ليه او تقريبا عايزه تضربنى قولت بم انها زعلت يبقا اكمل الزعل بقا روحت مزعقة للعيال وكرشتهم من اوضتى وقفلت الباب عليا وطبعا سمعه كلام عماتى:ـ كده يامريم تزعقى للعيال وتكرشيهم من الاوضة كمان اخس عليكى يامريم 

انا عايزه اعرف بس هما مفركنى هسكت لما الاقى اوضتى بايظه 

طلعت ورديت بإبتسامة علشان الطف الجو شويه 

:ـ لا طبعا مينفعش اكرشهم بس المشكله ان ابنك كان بيحاول يبقتح التليفون وكمان بهدلوا الاوضه بتاعتى وانا دلوقتى هروقها يعنى مش هينفع بعد مبهدلوها انتى تعمليها فعشان كده انا هعملها 

طبعا محدش بيعرف يرد قصادى فعشان كده سيكتوا دخلت اوضتى واعدت اروق فيها ومطلعتش منها وهما طبعا مشيوا المغرب كان آذن وانا مخدتش فى بالى لان صوتهم كان عالى فمسمعتش لقيت امى داخلة بعد ممشيوا وبتقولى 

:ـ انتى هتعملى نفسك زعلانه ومش عايزه تاكلى 

استغربت هى بتتكلم كده ليه بس مش مهم قولتلها 

:ـ انا صايمه ومستنيه المغرب يآذن وهاكل 

لقيت صوت بابا من بره بيقول بإستهزاء:ـ العشاء هتأذن ياختى مش كفاية زعلتى عماتك وكمان عاملة نفسك زعلانه 

انا كده خلاص جيبت آخرى هما ليه بيعاملونى كده اللى انا اعرفه انى بنتهم خلاص حاسة نفسى بيضيق وكل اللى حواليا بيجوا عليا رديت عليهم بزعيق لانى فعلا تعبت من معملتهم 

:ـ انا نفسى اعرف انتوا بتعملونى كده ليه كل مرة بتهينونى كل مرة بتذلونى محسسنى انى بعمل حاجه غلط اعملى ده حاضر متعمليش ده حاضر تعالى هنا حاضر ومتجيش حاضر ليه القسوه اللى دايما بشوفها فى كلامكم اه وانت يابابا بتقولى زعلت عماتى كنت تعاله شوف الاوضه كانت شكلها ايه وبعدين انا زعقت لعيالهم بس لاكن مجتش يمتهم وان كان على الاذان انا مسمعتوش اصلا من الصوت بتاعهم اللى عايزه اعرفه انتوا ليه بتعاملونى كده 

خلصت كلامى وانا باخد نفسى بالعافية مش قادرة اتنفس دقات قلبى على اخرها وشى حساة بيطلع نار الدوخة جاتلى تانى بس هتمسك دلوقتى لقيت كف نزل مرة واحده محستش بنفسى غير وانا بصحى على صوت العصافير ببص لقيت انى الصبح ببص فى الاوضه  ايه ده دى مش اوضتى هيا مالها شكلها عامل ذى المستشفى كده ليه لقيت امى وابويا قاعدين على الكراسى اللى جنب السرير و مميلين على السرير نايمين حاولت اقوم وطبعا السرير عمل صوت لقيتهم صحيوا لقيت امى بتقول 

:ـ مريم صحيتى عاملة ايه 

مردتش على سؤالها وقولتلها:ـ ايه اللى حصل وانا بعمل ايه هنا 

لقيت ابويا بيقول:ـ امبارح بعد مضربتك كف اغم عليكى وجبناكى والدكتور قالى ان عندك هبوط وقال هنعمل تحاليل عشان شكين فى حاجه وادينا متعطلين ومستنين النتيجه 

دموعى عايزه تنزل انا تعبت من المعامله الجافة دى بجد تعبت وقبل متكلم لقيت الدكتور دخل وماسك ورق معاه وبيقول

:ـ صباح الخير اخيرا صحيتى 

:ـ صباح النور اه صحيت للاسف 

لقيته بيقول بإستغراب اكنه عايز يوصل لحاجه 

:ـ ليه للاسف فيه حد مش بيبقى عايز يصحى 

:ـ اه عادى المهم التحاليل فيها ايه 

:ـ التحاليل كويسه متقلقيش استاذ محمد عايز حضرتك دقيقه 

حسيت ان فيه حاجه بس مفكرنى من الناس اللى بتخاف انا عادى اصلا حتى لو قالى انك بتموتى بس اكيد مفيش حاجه يعني 

رديت عليه قبل م بابا يرد وقولتله:ـ متأكد مفيش حاجه اومال الدوخه اللى بتجيلى على طول دى من ايه لو فيه حاجه فى التحاليل ياريت حضرتك تقول قدامى عادى 

بصلى وبص لبابا وبعدين اخد تنهيده وقال بصى انتى كويسه ومش كويسه يعنى بصراحه التحاليل فيها نسبة كانسر بس ليه علاج يعنى متقلقيش بس العلاج غالى شوية 

بصيت علي اهلى لقيتهم مصدومين اللى هو اذاى يبقى عندها كانسر ضحكت ضحكت سخرية واستهزاء ايوه مهو مش معقول يعنى خايفين عاليا رجعت بصيت للدكتور وقولتله 

:ـ تمام يا دكتور شكرا لحضرتك اقدر اهرج امتى انا بقيت كويسه دلوقتى يعنى لو امكن تكتبلى على خروج 

لقيته مصدوم اللى هو مستغرب اذاى واحده تعرف انها عندها مرض وهادية كده لا وكمان عايزه تخرج مش بتدور علي العلاج 

رد عليا:ـ خروج ايه المفروض تشوفى دكتور هنا وتابعى معاه عشان الكيماوي اللى هتخديه 

هههه طب والله ضحكنى علاج ايه انا واحده بتمنى الموت اول ميجى ازعل لا وكمان اشوفله علاج انا عارفه انى هتعب بسبب المرض بس مش مهم هقعد سنه ولا حاجه وهموت يعنى عادى 

رديت عليه عشان افض الموضوع لانى مش عايزه حد يتدخل 

:ـ هبقى اشوف الموضوع ده بعدين وهجى ان شاءالله بس دلوقتى عايزه اروح بيتنا استريح وكمان انا معطله اهلى من امبارح مينفعش اعطلهم اكتر من كده 

بصلى بإستغراب وقال:ـ  اذاى معطلاهم انتى عيانه ومرضك علاجه تقيل انتى لازم تبدأى علاج وبعدين بص لاهلى وقال وحضرتكم انا عارف انكوا مصدومين بس على الاقل لازم تقفوا جنب بنتكوا عشان تقدر تقاوم مرضها

واخيرا فاقوا لقيت بابا بيقول للدكتور:ـ ط طب هى هتخف يعنى المرض مش هيأثر عليها وهتخف منوا وهتعيش ان شاءالله صح 

الدكتور:ـ ان شاءالله هتخف متقلقش بس لازم نستعجل بالعلاج عشان ميبقاش فيه ضرر كبير عليها 

ردت عليه ماما:ـ ماشى يادكتور نبدأ بالعلاج مش مهم الفلوس بس اهم حاجه تخف وتبقى كويسه 

ههه طب والله ضحكونى يعنى خايفين عليا يالا اما نشوف المسرحية دى هتخلص امتى بس المشكلة انهم اتفقوا عشان اتعالج وانا اصلا مش عايزه اتعالج ولا اتنيل انا اصلا عايزه امووت

 

لقيت الدكتور بيقول:ـ خلاص لو كده هى هتبدأ من انهاردة هنعملها الاشعه والتحاليل اللازمه وهشوفلها دكاتره كويسين تتابع معاهم 

وهنا كان لازم اتدخل هما بيقرروا على اساس ايه انا المريضه ومش عايزه اتعالج قاطعة الدكتور فى كلامه وقولت

:ـ لا متتعبش نفسك يا دكتور انا مش عايزه اتعالج ومش هتعالج 

بصيت عليهم لقيت الدكتور مصدوم من كلامى عنده حق مهو مش معقول فيه حد عنده مرض وميكونش عايز يتعالج اما اهلى بقا فتقريبا كده عايزين يموتونى ازاى اصلا اتدخل فى حاجه هما بيقولوها ههه حتى القسوة باينه حتى وانا بموت يالا مش مهم 

لقيت ابويا بيتكلم بزعيق:ـ يغنى ايه يعنى مش عايزه تتعالجى ولا هتتعلجى هو بمزاجك انتى هتتعلجى غصبا عنك ولا عايزه تموتى وتتحسبى علينا روح ونتحاسب بذنبك 

حسيت بإهانه كبيره اووى وخاصة انوا قال كده قدام الدكتور  لو صوت كسرت القلوب بيتسمع كان صوت كسر قلبى سمع المستشفى كلها من شدته حاسه بحاجه سخنه نار على وشى ايه ده د دى دموع لالالالا انا مش عايزه ابان ضعيفه كفاية لحد كده كفاية اوووى مديت ايدى ومسحت دموعى بعنف ورجعت لقوتى المزيفة اللى طبعا اى حد يقدر يشوفها بس مستحيل طبعا اهلى يقدروا يشوفوها حسيت ان الدكتور هيتكلم فكان لازم ارد قبل ميقول حاجه او يدافع عنى انا مش ضعيفه لا...... انا اضعف من ما يكون ويمكن برودى وقوتى المزيفه هى اللى بخبى فيها ضعفى

رديت ببرود وهدوء تام :ـ  لا يابابا مش هتشيل ذنب موتى انا اصلا اللى هموت انت ملكش ذنب على العموم انا مش عايزاكوا تعالجونى عشان محدش يشيل تعبى ولا يشيل همى وخاصة ان علاج الكيماوي غالى فطبيعى مش هخليكوا تصرفوا فلوس على واحده انتوا مش حابنها ولا واحده نفسها فى الموت اصلا ولا واحده تقريبا كده عايشة معاكوا عالة 

قطعتنى امى وهى بتقول:ـ انتى بتقولى ايه يامريم الظاهر ان المرض ده مأثر عليكى فوقى كده للى بتقوليه فوقى بلاش كلام اهبل كده 

نفسى بدأ يعلا ودقات قلبى هى كمان خلاص مش قادرة الحالة دى لما بتجيلى بطلع تعبى منها فى صوتى العالى ايوه وشكلى كده دا اللى هيحصللقيت صوتى على مره واحده ودا كله والدكتور واقف وانا بقول:ـ انتوا ايه مفيش عندكوا راحمه حتى فى وقت مرضى بتهينونى ولا يهمكوا حاجه بتكسروا بخاطرى بسهوله وقلبى خلاص معدش فيه حاجه عشان تتكسر لانه اتكسر ميت حته اصلا ارحمونى بقا ارحمونى خلاص معدش قادرة  

الدكتور لاحظ انى دخلت فى مرحة انهيار فكان لازم يخرجهم ويدينى حقنة مهدء اتمنيت ميت مروة فى اللحظة اللى كنت باخد فيها الحقنه انها تكون حقنة هواء عشان اموت واستريح وفجأة حسيت بدوامة سوده بتسحبنى وفى الاخر محسيتش بحاجه 

صحيت على صوت دوشة تقريبا دوشة المواصلات اه انا فين  لقيت امى بتتكلم:ـ مريم بنتى عاملة ايه انا هنادى على الدكتور 

بصيت وضحكت بسخرية ههههه من كام ساعه كانت بتقول ان المرض مأثر ودلوقنى مريم بنتى اووووف على المعاناه اللى انا فيها قطعتها قبل متخرج وانا بفك الكاننه :ـ لا ملوش لزوم احنا هنمشى دلوقتى يالا كفاية اننا هنا من امبارح 

وقبل مترد كان ابويا دخل وتقريبا كده سمعنى اه شكله هيبدأ الزعيق وانا اصلا معنديش طاقة لاى حاجه لقيته بيقول

:ـ حمدلله على السلامه الدكتور جاى دلوقتى جهزى نفسك 

تمام اووى كده هما عايزنى اتعالج وانا هبعد عنهم على الاقل العلاج يجيب نتيجه بدل الاهانه والتعب اللى بشوفه 

:ـ تمام يابابا انا هتعالج بس بشرط 

:ـ شرط انتى كمان هتتشرطى 

:ـ خلاص يبقى مش هتعالج 

وهنا كان الدكتور دخل وهو بيقول:ـ استنى بس يا استاذ محمد ممكن لو سمحتوا تسيبونا شويه 

:ـ حاضر يادكتور 

مشيوا يمكن عايزه اعيط دلوقتى بس لسه الدكتور موجود وانا وعدت نفسى انى مش هعيط قدام حد كفايه اهانه لحد كده 

بصلى الدكتور وقال:ـ ممكن اعرف ليه كرهه حياتك كده المفروض محدش بيكره حياته حتى لو ايه كده بيحصل 

بصيتله بسخريه ايه اللى بيقوله ده اصلا الواحد بيكره حياته اكتر مبيكره الناس ورديت بهدوء واتجهلت كلامه ليا

:ـ ممكن تيجى تفك الكاننه عشان امشى 

:ـ بس انتى مش هتمشى غير لما تعملى الاشعه والتحاليل اللازمه عشان نعرف الكانسر فى انى منطقه فى الجسم وكمان متحاوليش تمشى لانى اتفقت مع اهلك انك لازم تتعالجى 

:ـ تمم انا موافقه اتعالج بس بشرط ذى مقولت 

:ـ وايه هو الشرط ده 

:ـ هفضل فى المستشفى لحد متعالج اكيد انت عارف ان الحاله النفسيه بتأثر على المريض وذى م انت شايف بالمعامله دى حالتى النفسيه عمرها مهتبقى كويسه وانت الواحيد اللى تعرف تقنعهم انى افضل هنا قولهم عشان العلاج قولهم اى حاجه المهم مبقاش معاهم لحد مفترة العلاج تخلص ها قولت ايه 

:ـ تمام هقوله بس الاول تجوبينى على اللى انا عايزه 

:ـ مش انت كده كده هتقنعهم انى اقعد يبقا ملوش لازمه الكلام دلوقتى كده كده القاعده مطولة هنا ابقى اجابوك على اللى انت عايزه بس الاهم انك تقنعهم انى افضل هنا

:ـ تمم يا هاجر هقنعهم بس اعملى حسابك القاعده هنا مش هتحبيها لانى دى مستشفى مش البيت يعنى هتفضلى لواحدك مش هتلاقى اهلك حواليكى مش هتلاق

:ـ خلاص يادكتور انا اصلا مش عايزه حد جانبى ممكن بقا تشوف الموضوع ده وبعدين نبقا نتكلم فى اللى انت عايزه

:ـ تمم هطلع اقولهم وارجعلك 

هزيت راسى والدكتور مشى وانا بفكر فى اللى عملته هل ياترى هندم ولا لا طب القرار ده صح ولا غلط فات حوالى ربع ساعه وهما لسه بيتناقشوا والدكتور اكيد بيقنعهم انى افضل واخيرا دخلوا بصيت للدكتور هز راسه بإبتسامة بمعنى انهم وافقوا رجعت بصيت لاهلى وقولت:ـ ها هنمشى ولا هنفضل هنا 

رد بابا:ـ لا انتى هتفضلى عشان هتتعلجى هنا 

رديت بسخرية:ـ عادى مش تفرق يعنى اتعالج او لا على العموم تمم طلما هفضل بقا انا عايزه انام 

رد الدكتور:ـ لا انتى لازم تكلى الاول مش معقول هتفضلى على المحاليل انتى مكلتيش من امبارح 

الاهتمام حلو صح حلو اووى حتى لو كان جاى عن طريق الخطأ بس حلو عشان كده حبيت انى افضل فى المستشفى مش مهم المكان المهم انك هتستريح 

رديت عليه وقولت:ـ تمام عايزه شيبسى واندومى وشكولاته 

لقيت ابويا قاطعنى بعصبية:ـ اندومى ايه وزفت ايه القرف اللى بتكليه ده هو السبب فى المرض الزفت على دماغك 

غمضت عينى ودا بيدل انى جبت اخرى والظاهر كده ان الدكتور لاحظ رد على بابا وقال:ـ معلش يا استاذ محمد ممكن تهدأ ملوش لازمه ان حضرتك تزعق او تتعصب وبعدين بصلى وقال وانتى يابشمهندسه مينفعش تكلى اى حاجه غير صحية يعنى اكلك كله لازم يكون صحى عشان تخفى بسرعه ولا ايه 

انبسطت اووى من كلمة بشمهندسه يمكن عشان نفسى اكون مهندسه بس للاسف كل حاجه نفسك فيها بتدمر بكلام الاهل 

رديت عليه وقولت:ـ تمم يادكتور شوف اللى انت عايزه 

بصلى وقال:ـ تمم دلوقتى هطلب منهم يعملولك اكل 

قاطعته وقولت:ـ بس ياريت اللى بيعمله يكون كويس

ضحك وقال:ـ لا متخفيش الاكل هيبقى كويس وبعدين بص لاهلى وقال انتوا دلوقتى ملوش اى لازمه تفضلوا هنا هى هتاكل وتنام ولو كده بكره الصبح ان شاءالله هنعمل الاشعه عقبال م الدكتورة تيجى ومش ضرورى تتعبوا نفسكوا وتيجوا احنا هنعملها كل حاجه المفروض تتعمل 

على قد منا فرحانه انهم مش هيجوا بس زعلانه شويه عشان هبقي لواحد بس ممكن اهلى ميرضوش اصلا باللى الدكتور قاله يعنى مش معقول هيوافقوا انهم ميكونوش معايا فى اهم يوم وفى اسوء فترة انا فيها بس فيه رد صدمنى قوى من ابويا لقيته وافق انهم ميجوش ياه يعنى عادى كده انهم يسيبوا بنتهم فى اسوء فتره انا بشوفها يالا مش مهم المهم انى هبقى بعيده عنهم اتفقوا وخلص مشيوا وفضلت انا كالعاده لواحده

يااااه النهارده بقالى سنه ونص مشوفتش بيتنا بس على الرغم من كده انا مش مشتاقه لحاجه من ناحية اهلى بقالى سنه ونص بتعالج ويعتبر المرات اللى شوفت فيها اهلى تتعد على الصوابع ذى مبيقولوا شوفت اهتمام من ناس غريبه ناس حسيت انهم حبينى فعلا لشخصيتى مش ناس مبينين انهم بيحبونى عشان بنتهم وبس ناس طيبه اوووى وبقى عندى اصحاب وكل حاجه حلوه على الرغم انى جروحى من اهلى عميقه اوووى وعمرها مهتداوا بس فرحانه اوى بالاهتمام اللى شوفته ناس معايا فى كل حاجه بيشجعونى اعمل الحاجات اللى بحبها يمكن اهلى مكنوش بيشجعونى ودا كان اسوء شعور كنت بحسه بس هما حببونى فى حاجات كتيره اوووى 

فى الاخر حابه اقول ان حتى الاهل ممكن يجرحوك ممكن يقسوء عليك بس هتلاقى حاجه تانيه حنينه عليك وتخليك حابب اللى بتعمله الناس دى مش مهم تكون قريبه منك ممكن تكون بعيده كل البعد بس الاهتمام بيبقى حلو حلو اوووى مجرد مبتلاقيه بتتمسك بيه عشان انت مفتقده بس خليك واثق ان ربنا مبيعملش حاجه واحشه فيك ابدا حتى لو كنت بتموت من مرضك ميت مره بسبب انه بيتعبك بس هتلاقى ناس بتخفف عنك ناس بتشجعك انك تكمل ناس بتقولك انت ليك اهميه فى حياتنا خليك واثق من كده حب نفسك لانك هتلاقى اللى حواليك بيكرهوك فيها حب مواهبك حتى لو كانت تافهه بس الاهم انك بتحبها وبتشجع نفسك عشان تبقى احسن وافضل واحد فيها نافس الكل وراهنهم انهم غلط واثبت انهم غلط اثبتلهم انك متفوق فى الحاجه اللى انت حببها مش فى اللى هما حبينها خليك بارد فى تصرفاتك متخليش مشاعرك فضحاك دايما فى النهايه خليك لنفسك وبس. 

 #بقلمى /هاجر محمد

تحت اشرف جريده /احلام كاتب