حوار صحفي مع الكاتب عبدالرحمن غريب جريدة أحلام كاتب
حوار صحفي مع الكاتب عبدالرحمن غريب جريدة أحلام كاتب
1-الأسم؟
عبدالرحمن غريب
2-السن؟
24
3-لقبَك؟
ال غريب ، #gharib
4-الموهبة؟
بحب اسميهاً مهارة اكتر، الحمدلله بعرف اكتب" قصص قصيرة، اسكربيت، خواطر، رواية". كدا يعني
5-المحافظه؟
الإسكندرية
6-ممكن تعرّف نفسك فِ بضعة سطور؟
أنا عبدالرحمن غريب شهرتي غريب، من اسكندرية سيدي بشر، خريج كلية الآداب قسم تاريخ 2023، بحب القراءة والكتابة وهماً من هوايتي المفضلة ،كمان بحب تمارين الفتنس والحديد، والحمدلله يعني بقدر أحلل الشخصيات اللي قدامي عن طريق الألوان والحيوانات.. بحب اصلي أقرأ في علم النفس..
7-متى بدأت في مجال الكتابه؟
الحقيقة مش فاكر بضبط بس كانت ي تانية ثانوي أو تالتة ثانوي، بدأت اعمل اول قصة ليا أسمهاً" jounery to the forest ". كنت بحب اصلي اوووي القصص الانجلاش اللي بندرسهاً زي " Oliver twist, jounery to the center of the earth, prisoner of Zenda ". القصص دي بصراحة هي اللي خلتني اجرب اكتب قصة انجلاش يعني، وفعلا عملت ده واستمرت كمان عملت حوالي 5 قصص انجلاش تقريبا، وبعدهاً بقاً كملت عملت خواطر، وقصص قصيرة عربي، وروايات وهكذاً، كنت بنزل في الأول علي النت الفيس، وكدا، وبعدها الحمدلله شاركت في أول كتاب لياً "خداع العشاق ". 2022 ، وعملت كتب تانيه مجمعة برضوا خواطر " مرأة الواقع، الحيرة،شموع سوداء". واخر حاجة مشترك في كتاب زهرة الأقحوان هينزل معرض القاهرة 2023 بأمر الله، كمان اشتركت في كذا الكتورني، وعملت كتب الكتورني منفرد زي " بوابة الحياة، أرواح إن وجدت ". دول خواطر، وفي كتاب "خبايا النفوس قصص قصيرة ". كمان رواية قوت البحور، و رواية للحب أنواع كثيرة، وبأمر الله هنزل برواية لياً في المعارض اسمهاً " رواية كالبسوا ". أتمني تعجب الجميع بجد...
8-منْ أكثر الشخصيات التي واجهتكَ في المجال وتعاملت معها وأثرت بك ومن ساندك منها؟
والله الحمدلله كتير ساعدوني بصراحة يعني، وكانوا دايماً يشجعونيِ حقيقي انا بشكر الجميع..
9-تحدث عن انجازاتَك داخل وخارج المجال؟
والله حضرتك كلمة إنجازات دي كلمة كبيرة اووووووي بصراحة يعني، بس الحمدلله يعني اتكرمت في الكلية، واتكرمت في متحف اسكندرية القومي، وفي حفلة ذكري السيد درويش سنة 2020، وشاركت في 4 كتب خواطر مجمعة ورقي "خداع العشاق، مرأة الواقع، الحيرة، شموع سوداء ". نزلوا معرض القاهرة 2022، وكمان عملت كتب مجمعة ومنفردة علي مكتبة نور علي جوجل" بوابة الحياة، خبايا النفوس، قصص من الواقع، للأسف، أرواح متداخلة، نوفمبر القادم، أقلامنا رسالة، صندوق الدنيا". وكمان كتاب" أرواح إن وجدت " مع دار بقلمك للنشر الاكتروني، ورواية للحب أنواع كثيرة، رواية قوت البحور". مع دار طيف للنشر الإلكتروني.. وبأمر الله هنزل قريب "برواية كالبسوا ". كتاب ورقي واتمني تعجب الجميع معرض القاهرة والمعارض في 2023..
10-هل واجهتَك صعوبات في المجال وكيف تعاملت معها وما هي نصيحتك لمن يريد ان ينضم للمجال؟
اه طبعاً واجهت الصعوبات بس دايماً يعني الصعب يخليك أقوي وانشف، اه بتعرض للنقد بس لازم اتعامل معاه عن طريق التجاهل كأنه مش موجود، بس لما النقد يبقي بيوضح عيب عندي سعتها بقاً سعتها لازم اتعامل مع العيب ده واحولهاً لميزة.
11-هل الكتابة هواية ام موهبة من وجهت نظرَك وما هي اهتماماتك الاخري؟
والله لو هكلم علي لساني أنا هي بتقع مابين الهواية الموهبة المهارة ، ما بين التلاتة دول ليه، كتير هوايتهم الكتابة وبذات في القصص ويعملوا شير ليهاً بس دون اهتمام يعني، أنا كنت بعمل كدا ف الأول بكتب قصص وانزلها وانا مش مهتم، لحد مبقاً هو ده شغلي، بعدين رأي الشخصي لما يكون شغلك هو هوايتك والحاجة اللي بتبسطك حقيقي تعمل إبداع بجد. وده رأي الشخصي بصراحة..
12-تحدث عن خططَك المستقبلية في مجال الكتابة و من هو الكاتب المثالي بم يتصف ؟
والله كل حاجة بتمشي بتدبير ربنا مش بحسابات البشر يعني، واتمني من الله التوفيق، ولله أنا مازلت ببدأ في مجال الكتابة وبتعلم، بس اللي أقدر اقوله انه يكون صاحب أرادة قوية ويقرأ كتير كمان..
13-هل تعرف جريدة احلام كاتب؟
اه الكاتبة فاتن انسانة محترمة جدا، وكمان بحضر رواية واتمنى اني انشرها معاكم والله، عايز يكون في شغل بيني وبين الدار..
14-ماذا تتمنىٰ من الجريدة الفترة القادمة ووجه كلمه للجريده والكتاب؟
حقيقي انتوا جريدة محترمة جداً، وكمان بتساعدواً الشباب كتير اووي علي تنمية المهارات، وحقيقي ربنا يوفقكم دايما يارب.. واتمني إننا نشتغل مع بعض.
15-شىء من كتاباتَك؟
«جمال الأزمة»
إن الحياة لها جمال، فـالكثير أجمع أن جمال ولذة الحياة في السعادة والفرحة، ولكني أتفق معهم!
ولكن أنا لي رأي شبه مختلف بعض الشيء؛ أن الحياة جمالها ومتعتها يكمن في الأزمات.
نعم الأزمات هي حل اللغز.
الأزمة هي من تجعلك تتعرف على أصدقائك بالشكل السليم؛ الصحيح.
كيف؟
أن كل أزمة واجهها الإنسان جعلته أقوى، أعنف، أشد من السابق؛ جعلته ينظر للحياة بطريقة مختلفة وليست ساذجة من قبل.
لذا يجب علينا أن نشكر الأزمات. يوجد مقوله شهيرة وهي: (أن النساء تولد أطفال ولكن الأزمات تولد الرجال)، ماروعة الأزمة!
في رأيي الشخصي أن الحياة جمالها يكمن في الأزمات.
بقلم/عبدالرحمن غريب.
16-ما هي افضل الكيانات التى شجعتكَ فِ الوصول لحلمَك؟
جريدة كلمات من ذهب، جريدة بريق لدعم المواهب، "الكاتبة نهار احمد صاحبة رواية القناع". كيان نسور" الأستاذة الصحفية ندي احمد".، مبادرة الرحاب" الكاتبة ملك أحمد راشد". صديقتي الفنانة، كمان مبادرة ضوء وبحر، والكاتبة امنية أسامة شلبي، مش عايز أنسي حد، بس بجد دعموني كتير اوووي صحاب ليا، وبذات عليتي كانت هي أكبر داعم ليا جمعيا..
17-اي سؤال تحب تضيفه؟
حقيقي انا انبسط جدا بالحوار الصحفي الجميل ده..
18-كلمة أخيرة نختم بها الحوار الصحفي؟
أتمني من الله ان يوفقكم دائما في ما هو قادم ويارب دايما في تفوقك ونجاح يارب..
*إعداد الصحفية/ منار أسامة.
نشر الحوار بوسطة :شيماء رافت
وشكرًا...
تعليقات
إرسال تعليق